ਸੈਂਟਰ ਆਫ ਐਕਸਲੈਂਸ ਆਨ ਕੈਟਲ ਡਿਵੈਲਪਮੈਂਟ

ਇਹ ਮਾਡਰਨ ਕੈਟਲ ਬਰੀਡਿੰਗ ਫਾਰਮ, ਪਟਿਆਲਾ ਨਾਭਾ ਰੋਡ ਰੌਣੀ ਵਿਖੇ ਸਥਿਤ ਹੈ । ਇਸ ਵਿੱਚ ਐਚ.ਐਫ., ਜਰਸੀ , ਸਾਹੀਵਾਲ , ਗਿਰ ਅਤੇ ਦੋਗਲੀ ਗਾਵਾਂ ਦੀ ਨਸਲਕਸੀ ਹੁੰਦੀ ਹੈ ਅਤੇ ਚੰਗੀ ਨਸਲ ਦੇ ਵੱਛੇ ਪੰਜਾਬ ਸਰਕਾਰ ਦੇ ਸੀਮਨ ਬੈਂਕਾਂ ਵਿੱਚ ਨਸਲਕਸੀ ਲਈ ਤਿਆਰ ਕੀਤੇ ਜਾਂਦੇ ਹਨ ।ਇਹ ਫਾਰਮ ਅਤਿ ਆਧੁਨਿਕ ਮਸੀਨਾਂ ਜਿਵੇ ਸੈਡਾਂ ਦੀ ਸਫਾਈ ਲਈ ਸਕਰੈਪਰ, ਦੁੱਧ ਦੀ ਚੁਆਈ ਲਈ ਮਿਲਕਿੰਗ ਪਾਰਲਰ , ਪਸ਼ੂਆਂ ਨੂੰ ਖੁਰਾਕ ਪਾਉਣ ਲਈ ਟੀ.ਐਮ.ਆਰ ਮਸੀਨ ਅਤੇ ਗੋਬਰ ਦੀ ਡਿਸਪੋਜਲ ਲਈ ਬਾਓ ਗੈਸ ਪਲਾਂਟ ਨਾਲ ਲੈਸ ਹੈ ।
ਈ.ਟੀ.ਟੀ. ਸਕੀਮ :-
ਇਸ ਫਾਰਮ ਵਿੱਚ ਇੱਕ ਅਤਿ ਆਧੁਨਿਕ ਐਮਬਰਿਓ ਟਰਾਂਸਫਰ ਲੈਬ ਹੈ ਜਿਥੇ ਦੇਸੀ ਅਤੇ ਕਰਾਸ ਬਰੈਡ ਗਾਵਾਂ ਦੇ ਐਮਬਰਿਓ ਲੈ ਕੇ ਫਾਰਮ ਅਤੇ ਕਿਸਾਨਾਂ ਦੇ ਜਾਨਵਰਾਂ ਵਿੱਚ ਰੱਖੇ ਜਾਂਦੇ ਹਨ। ਇਹ ਫਾਰਮ ਬਾਓ ਸਕਿਉਰਟੀ ਮਾਪਦੰਡਾਂ ਨੂੰ ਅਪਣਾ ਕੇ ਜਾਨਵਰਾਂ ਨੂੰ ਬੀਮਾਰੀ ਰਹਿਤ ਵਾਤਾਵਰਨ ਵਿੱਚ ਰੱਖ ਰਿਹਾ ਹੈ ।
ਸੀਮਨ ਬੈਂਕ :-
ਫਾਰਮ ਤੇ ਇੱਕ ਰਾਜ ਪੱਧਰੀ ਸੀਮਨ ਵਿਤਰਣ ਕੇਂਦਰ ਹੈ । ਜਿਥੇ ਰਾਜ ਵਿੱਚ ਵੱਖੋ ਵੱਖਰੀਆਂ ਥਾਵਾਂ  ਤੇ ਮੌਜੂਦ ਸੀਮਨ ਬੈਂਕਾਂ ਤੋਂ ਸੀਮਨ ਲਿਆ ਕੇ ਪੰਜਾਬ ਅਤੇ ਦੂਸਰੇ ਸੂਬਿਆਂ ਨੂੰ ਭੇਜਿਆ ਜਾਂਦਾ ਹੈ ।  ਇਸ ਸੀਮਨ ਬੈਂਕ ਰਾਹੀਂ ਐ.ਐਫ., ਦੋਗਲੀ, ਜਰਸੀ , ਸਾਹੀਵਾਲ ਗਊਆਂ ਦਾ ਸੀਮਨ ਪੂਰੇ ਰਾਜ ਵਿੱਚ ਭੇਜਿਆ ਜਾਂਦਾ ਹੈ । 
ਫੀਡ ਸੈਂਟਰ :-
ਆਟੋਮੈਟਿਕ  ਫੀਡ ਪ੍ਰੋਸੈਸਿੰਗ ਸੈਂਟਰ ਵਿਖੇ ਜਾਨਵਰਾਂ ਦੀਆਂ ਵੱਖੋ ਵੱਖਰੀਆਂ ਕਿਸਮਾਂ ਜਿਵੇ ਕਿ ਗਾਵਾਂ , ਸਾਨ੍ਹਾਂ , ਬੱਕਰੀਆਂ , ਸੂਰ ਅਤੇ ਪੋਲਟਰੀ  ਲਈ ਫੀਡ ਤਿਆਰ ਕਰਕੇ ਪੰਜਾਬ ਵਿੱਚ ਅਲੱਗ ਅਲੱਗ ਥਾਵਾਂ ਤੇ ਮੌਜੂਦ ਫਾਰਮਾਂ ਤੇ ਭੇਜੀ ਜਾਂਦੀ ਹੈ ।
ਬੱਕਰੀ ਫਾਰਮ :-
ਇੰਟੀਗਰੇਟਿਡ ਗੋਟ ਫਾਰਮ ਇਹ ਫਾਰਮ ਕੁਲੇਮਾਜਰਾ ਵਿਖੇ ਸਥਿਤ ਹੈ ਇਸ ਵਿੱਚ ਕੁਲ 300 ਬੱਕਰੀਆਂ ਦੀ ਸਮੱਰਥਾ ਹੈ । ਇਸ ਫਾਰਮ ਉਤੇ ਬੀਟਰ ਨਸਲ ਦੀਆਂ ਬੱਕਰੀਆਂ ਦੀ ਨਸਲਕਸੀ ਕੀਤੀ ਜਾਂਦੀ ਹੈ ਤੇ ਇਸ ਫਾਰਮ ਤੋਂ ਜ਼ੋ ਮੇਲ ਕਿਡਸ ਪੈਦਾ ਹੋਣਗੇ ਉਹ ਫਾਰਮਜ਼ ਨੂੰ ਸਪਲਾਈ ਕੀਤੇ ਜਾਣਗੇ ।
ਗੋਕਲ ਗ੍ਰਾਮ :-
ਗੋਕਲ ਗ੍ਰਾਮ ਬੀੜ ਦੌਸਾਂਝ ਨਾਭਾ ਵਿਖੇ 72  ਏਕੜ  ਰਕਬੇ  ਵਿੱਚ ਸਥਾਪਿਤ ਕੀਤਾ ਜਾ ਰਿਹਾ ਹੈ । ਜਿਥੇ ਦੇਸੀ ਨਸਲਾਂ ਦੀਆ ਗਾਵਾਂ ਨੂੰ ਰੱਖਿਆ ਜਾਵੇਗਾ ਅਤੇ ਇਹਨਾਂ ਨਸਲਾਂ ਨੂੰ ਸੁਰਖਿਅਤ ਰੱਖਣ ਵਿੱਚ ਸਹਾਈ ਹੋਵੇਗਾ ।
 

ਸੰਪਰਕ ਕਰੋ